[原創機評]GUNDAM DX 附個人影片

09900

機體介紹:
本機是地球聯邦在第7次宇宙戰爭後，為了鞏固其在地球上的統治地位而開發的新銳機動戰士。雖然取消了“閃光系統”，但加強的大出力光束劍、兩門衛星微波砲使DX的戰鬥力遠在GX之上。 DX與GX的最大不同之處是，DX的電腦系統允許非Newtype駕駛員登陸月球衛星系統。本機在新地球聯邦的人工島佐達 ·艾普塔上被卡洛特·蘭搶奪。

圖片:

        


六圍:
R前:

    呢部機係S機中六圍算係一般,防一般,攻擊力都係一般高,但速度同血量都算係比較高。
    (有時覺得DX既攻擊力其實算係唔錯,尤其用光槍,BB彈果陣,有D懷疑其實仲高D)

R後:

    高攻,高防,機動力都好高(R之後機動力用處唔大orz)必殺達30.0,相信大家都知道有
    必殺可用既時候應該揀亂舞定地圖炮,但都係睇情況啦(講左=冇講咁.___.)有霸體性質,
    比拳機埋身變r,用微波炮射對手倒地,詳細影片有說明,加上防高,比起wzc,有更大機會可
    以玩死拳機(尤其地死ew果d)沙漠ew就唔好用呢個型態,原因沙漠反反格.___.
    總括黎講,六圍冇咩野大問題,而且可以配合到玩家既反應。

技能介紹:



技能一:蒂花的祈禱   
HP 70%以下時所有攻擊傷害最大化,機動增加,附加推進槽
傷害最大化---全部攻擊變成重擊。令武器攻擊力更高,除此之外,地圖炮既傷害都會隨之而變成重擊
真真正正配合DX既一招必殺既必殺威力。機動力增加,機體反應都變快左,更容易可以避到槍。附加推進
可以增加從拳機中逃出既機會。絕對係一個頂級技能,真真正正為DX而設(專用技能嘛)

技能二:必殺技覺醒   
體力在35%時，必殺威力增加。
DX係未開呢個技能時,地圖炮係唔可能一招殺滿血S機,配合呢個技能先有機會可以殺到滿血S機,
都算係唔錯既技能,但亂舞型必殺似乎提升既威力唔多。


武器介紹:

R前

1武 光束軍刀
3下倒地,刀身唔長都唔短,斬速一般,
唔建議用太多,保命果陣先好用,
如果太主動去斬人,分分鐘比人斬番轉頭
(有時見到隊友比地死EW果D刀長既拳機斬緊,唔建議上前幫拖,
如果係部地死EW既後面,可以試下用刀幫隊友,但係部野前面真係唔好用太多,除時比人斬番轉頭)

2武 光束步槍
DX4樣武器最強就係呢個,出槍快,
射速都快,約1.5秒可以射兩槍,威力中上,
比一般既光槍好好多,個人感覺比自由既更好用
主力武器非佢莫屬!

3武 榴彈發射器 (BB彈)
聽個名好型,並唔只係一般既BB彈,
BB彈係類似重炮手EW既胸前BB彈,威力高,
但可惜係殘彈少,不過回彈快,射程遠以及高既威力,
離保左殘彈少既問題,對付I立場既機,完全係一流既武器,
不過呢個武器都係輔助用比較好,有可觀既輸出威力

必殺:亂舞型
OK型既必殺,威力一般,同樣都係唔好咁主動用,因為R前既DX必殺威力一般,
不過有時你用1武打中人,打左兩下之後,見對手只係得番一半血左右,都可以試下用下
建議比對手斬中果陣先用黎保命


R後

1武 雙衛星微波炮
得一發,一發有兩炮,中一炮唔會倒地,威力高,射程遠,
同樣係一流既武器,微波炮好粗,令命中力大增。個人認為比WZC既更好

必殺:地圖炮型
DX最大特色----算係全SD最大既地圖炮,即使對手躲在障礙物後,只要露出少少部位,
都會受到傷害(有時唔洗露出少少位,只要對手係障礙物既邊位都會中招),用地圖炮都係有把握先用,
有反敗為勝,甚至一招必殺既實力。唯一唔好既地方係要R先可以用到呢招,你一變型,對方有時會估
到你會用必殺,除時浪費左呢招必殺。

打法:
呢部機有隊友輔助更能發揮出真威力,建議唔好做獨行俠,作為一部包機,唔應該衝上前,1武睇落好型,2刀流,
但同拳機鬥劍一定會輸,就算你有基本既近戰技術,打中場最好,光束步槍高輸出,配合點射一流,建議跳起射一槍,
然後左/右推進,避到槍之餘仲可以命中對手,用1次快既話可以打到對方2~3槍,絕對威能,詳細都係睇下面---影片,
當比拳機走近,可以試下用劍還擊,打中可以1武2下,之後光槍,後推進3武,比對方追到,可以禁r,唔好驚,睇準時機用倒地炮,
用得多自然得心應手。

配點建議:
3血全防,有信心可以避到對方攻擊既可以加3血全攻,全防令生存率大增。用地圖炮既機會都可以大d,而且又可以配合
武器既輸出,推薦3血全防。

機體感想:
好多未用過DX既人都覺得DX其實同WZC冇咩分別,我自己都係一樣,hf推出dx果陣,我覺得只係wzc既翻版,但其實當你用過會發現完完全全係兩部機體,雖然WZC有零式系統既攻速快既優勢,而韓國分面,又再一步加強WZC既攻速,但DX R後既六圍同埋地圖炮既威力,令佢可以大膽上戰場,BB彈都比WZC好,雖然殘彈輸蝕,各方面都比WZC既好,總之各有好處,相比之下,DX配合上技能1,機體反應,速度都有明顯既上升,避槍完全冇問題。比WZC更快開到主力技能---蒂花的祈禱。光束步槍既手感比自由仲要好,連射速度高,威力都絕非水槍。係全能既機體。
最後最後希望可以見到更多人認同dx係一部好既s機同埋幫到大家.___.

合成材料:
高達X (特裝1)  +   飛翼高達零式 (士兵)  +  重武裝高達(誘導式飛彈裝備) (新兵)  +  RX78-2 (新兵)  +  風車高達 (新兵)

作戰影片:
*唔鋸頭果段osu可以飛左去

乂千仔乂

六圍死圖喔= =

09900

六圍死圖喔= =
乂千仔乂 發表於 21-1-2011 19:12

整番好,而家應該睇到,謝

zx20001007

支持---DX本人S機五天王之一  "樓主打得都唔錯"

怪盜kid

用呢隻野,超會心f91扣9成血

楓殺☆邪

愛機之一,佢招地圖炮真威,無懼任何s機

十人竹

好詳細
但我個人覺得wzc比較好

光輪二場

分析不錯..
DX其中一個亮點就是R後有如鋼鐵的身體..
影片控氣不行...
還未表現到DX的特點...

drift

(而韓國分面,又再一步加強WZC既攻速,但R後既六圍同埋地圖炮既威力,令佢可以大膽上戰場,BB彈都比WZC好,除左殘彈輸蝕,各方面都比WZC既好)←呢一部分有d問題
我始終係鐘意WZC多d

09900

(而韓國分面,又再一步加強WZC既攻速,但R後既六圍同埋地圖炮既威力,令佢可以大膽上戰場,BB彈都比WZC好,除左 ...
drift 發表於 21-1-2011 22:11

多謝提醒...打左咁耐都唔留意添