本帖最後由 十人竹 於 30-5-2011 19:13 編輯
大家好，我係十人竹，係第二次寫機評了，想睇番我之前FAZZ個機評可以起我簽名度搵或去技術區都搵到。今次我寫的主角大家都好清楚吧，沙剎比啦！寫佢的原因主要係因為今次更新把技１改成神速馬沙，
同埋改左可以斬多刀（之前開過post問過人一定無誤先講的),而且ｒ前１武改快左啦，煥然一新，所以就寫佢了～
沙剎比簡介：
在U.C.0093年夏亞返回吉翁方就任新吉翁的元首之後，他命令工程師們開發一種能夠與他的駕駛技術和Newtype能力相稱的機動戰士。其結果是，亞納海姆公司研製出了代號為MSN-04的新型MS，即「沙薩比」。沙薩比全高達25.6米，遠遠超過了一般的機動戰士；但是藉助於更多的大推力推進器，它實際上擁有比一般MS更高的速度和更大的機動性。沙薩比的主武器是一把安置於腹部的大功率米加粒子砲，其威力足以一擊擊毀裝甲薄弱的機動戰士。其它武器包括一面內置3枚飛彈的盾，一支光束步槍和一把光束戰斧。為了發揮夏亞的新人類力量，沙薩比裝備了6門浮遊圓錐炮，駕駛員可以利用塞可繆系統對它們進行思想控制。沙薩比也是第一台具備革命性的精神感應框體座艙的MS。此系統最大限度地發揮新人類駕駛員的作戰能力。
六圍介紹：
沙剎比六圍係標準s剪機，同大部分剪都差唔大，冇咩特別，所以重點可以話係技能同武器～
武器介紹：
１武飛彈，２武光鎗，３武牛油炮；ｒ後１武光釜，２武光刀
先講ｒ前
１武飛彈係冇追蹤功能，而且打的距離只有中近，大概wzc的3武，要用哂３發先回彈，但係好在回彈快，大概２秒多ｄ，而且威力唔算太低，出手果陣冇硬直，射擊速度之前較慢，但依家改快左，所以都算係常用武器，注意係起左手發出。
２武光鎗，係粗光鎗，出鎗速度快，手感頗佳，攻擊力幾好，距離中，但係可惜的是回彈要２秒幾先回一發，有１１發，所以要小心用彈，如果唔係都有機會會彈切。
３武牛油炮，攻擊力低，不及天意，而且回彈速度慢，未開技要３０秒，智能只是一般，但勝在有技能補救，開左技之後回彈１６秒，都算唔錯ｇｅ，用來煩人都及格的～
ｒ後
１武光釜，攻擊力一般，普通剪機刀的攻擊力，出刀收刀同連刀不算特別強，斬四刀，但係可以透過ma mca甩刀斬出５刀，配合２武同１技就變得好可怕了～
２武光刀，無沖刺光刀，新手唔知可以睇番我上前的機評，雖然都係無沖刺，但係當然不及fazz把外掛寶刀強大，刀身短過fazz好多，但係都唔錯的說。斬四刀，有裝彈時間，大概３秒左右，配合１武可以斬出驚人的威力！
技能方面：
１技神速馬沙，２技牛油上升
先講１技，睇落加好少野吧，只有兩三項，不過我可以同你講，真正加的野係多好多。首先加移動速度+20%、速度+4.8、敏捷性+6.9持續推進時間+50%、推進器冷卻時間-50%、攻擊速度+15%。加得夠多了吧，好果睇番會覺得之前70％血開係好唔合理，大佬exam要５０％開但係加野少咁多，不過算啦講番呢度，加移速，加速同機動可以令你用果陣行得更順，反應更快，加氣同減回氣令佢ｒ後有拳機的沖刺時間，加上加攻速，更加可以令你格鬥能力錦上添花，不但有拳的敏，速，仲有拳的沖刺時間同埋格鬥能力，拳機見到你都驚啦，但係要小心，呢個時候你得番５０血，除非你玩拳超勁，如果唔係把刀仔都係留番有人沖尼先自保好ｄ啦。講番ｒ前，開左技之後的２武出鎗速度會快到前所未有，所以呢個技真係可以把沙剎力的能力爆發哂出尼！
２技，就係加牛油攻擊力，裝彈同必殺，攻擊力加唔係太多，唔好有太大期望，回彈時間就真係減左好多，大概40%，如果有埋防指機隊友，回彈速度更加快得變態！必殺技就加大概20%，但係一定要牛油大技。
總括尼講，技能同武裝都起剪機尼講係好強，加左剪機要的敏同氣，唔錯唔錯。
本人認為用此機要注意地方：
佢ｒ前係冇刀，ｒ後冇鎗，所以走位意識要好好，而且要記住依家冇左鐵壁，唔好死沖。
仲有我注意到一個問題，就係新手好鐘意成場龜後用牛油，唔好傻啦，呢架係剪機，唔係包機，而且牛油威力低，用途主要都係煩人同埋支援為目的。咁樣做又係會令隊友３打４，所以千祈唔好再成場龜後。
另一樣野就係開左技之後可以退後少少，可以打中至中後，有人先轉刀（除非你好勁可以咩都避到就可以打番原位）
小心得分享：
沙剎比算係一架難上手，難用的剪機，岩岩用佢把鎗真係好難適應，而且中距輸出唔算太高，所以都好考技考。
１武因為硬直小，快同有小爆風，所以用尼接２武都唔錯，連續咁炸可以打到不亞於自由的２，３連射。
用實彈竟最好跳起，一尼快ｄ，２容易ｄ打到多方向。
可以先跳起用１武，之後向左ｏｒ右飛，之後２武，之後就１武，之後可以再飛用２武，但係要注意氣量。
加強版（可以無視的 要開２技）：重覆上面動作，之後送對手一個大技～（真係好強的，沙剎比開左２技之後個大技威唔差的）
用劍方面，最常都係斬８刀，先用３下２武，再用１武甩刀甩５下便可，開左技之後係好快的，超強的說！
用劍加強版，斬１１刀，先用３下２武，再用３下１武，之後再３下２武，之後甩２下１武。但係好少會真係打到咁多刀，
因為好多時你打到第５，６刀已經中左ｓｐ，同埋如果對手係包機，你打佢８刀佢都差唔多死得，所以斬咁多刀姐係ｆｏｒ人玩下，花招，好少見人真係打到（除非1on1禁大技只近武.....)
講番平時打果陣，多數係同剪機或拳機一齊行動，如果走失左就要小心。
如果你果陣冇隊友對手又有一架包機，你可以放哂全部牛油，之後接近佢用１，２武連射，打完即閃，唔好諗住等佢番生。
如果你果陣冇隊友對手又有一架剪機，你可以直接用１，２武連射打佢，但係要小心自身血量，同人1on1打中距好大機會兩敗俱傷，如果自己冇咩血最好用ｓｐ啦。如果你夠勁可以沖過去同佢斬過，以沙剎比的格鬥能力同剪機格係絕對冇問題，不過小心睇下人有冇ｓｐ，冇先斬多幾刀，有就４刀好閃了。
如果你果陣冇隊友對手又有一架拳機尼梗，最方便都係放大技，對於血唔算高的拳機尼講係好夠用了，但係用之前最好射幾鎗先，確保一下殺到佢。再唔係都可以用刀的，但係都係果句，要小心ｓｐ。
順帶一提，我個人建議沙剎比插卡，我推薦就必覺，因為加上技能的幫助，我點左３必，打一架a wing打剩1血，所以我建議咁啦～
OC配點
我見過有4種，第一種就係我點的３必全攻，可以令沙剎比必殺同攻都好強！
第２種最近先興，就係３血全防，可以令沙剎比防禦更強，開技時間更長。
第３種就都見過下，就係３血全攻，不過好少人咁點。
第４種係我見過最特別，爆速爆必，好似好強的，下下大技秒人都似～
相關圖片：
分享下咋，唔洗串我廢的。）
相關影片：
唔係我的，本人太廢。。
|
[複製鏈接]
發表於 30-5-2011 17:42:14
收藏
轉播
分享
淘帖
支持
反對
變色卡
樓主