本帖最後由 十人竹 於 21-8-2011 00:27 編輯
大家好，我係十人竹。今次係我第３次寫機評，第１次係FAZZ，第２次係沙剎比，原本今次想寫飛翼高達零式EW的，但係依家改左版，我又冇韓服ac，唔知手感會變成點，所以就寫另外一架強包，UC入面最強(?)的V2Buster啦！記得岩岩出果陣要係咁刷木瓜先有，所以我都中途放棄，用ｍ買圖算- -
閒話講完啦，依家開始！
V2Buster的簡介:
在V2高達的基礎上裝備了炮擊專用的重攻擊型武裝的機體，主要以對艦攻擊為主，在中長距離的攻擊上集中了火力，不僅裝備了擴散型光束炮，在裝甲的各部位還設置了飛彈炮，這部機在攻擊上雖然非常出色，但是因為機動性和活動性低下，所以距離戰時性能不高。
睇完呢個簡介就會發覺佢起劇入面的設定同ｓｄ入面可以話係相反，因為ｓｄ入面佢係主要近距離爆菊的，打法方面下面講。
V2Buster的六圍: 
由上圖可見，爆甲前攻擊力低，機動低，但係有著最快的速度，強勁的防禦和唔錯的血，雖然攻擊力低，但只要識得連續使用武器以及刷鎗，攻擊力低就不成問題，而且速，血，防高有利於近距離戰鬥，好多時比拳機格成套都係扣唔夠一拳的血，食ｓｐ亦都好少過半，可以話佢概弱點就係機動力低。
而爆甲後就攻高，機動同速高，同爆甲前相反，但係由於較少時間會使用呢個型態，所以唔多講了。
武器介紹： 
爆甲前的武器就係１武飛彈炮，２武擴散型光束炮，３武倒地炮 爆甲後的武器就係１武光束軍刀，２武米加光束步鎗
爆甲前： １武 
V2B唯一的實彈武器，攻擊力頗高，距離係中近，殘彈２發，回彈時間大概5.6秒，開左技能更加只需3秒回彈，係一個非常實用的武器，其一攻擊力高，回彈快，射速亦算快，其二面對I力場的機體亦可以應付自如，其三就係爆風範圍亦唔細，所以非常實用，係中距常用武器。
２武 
V2B的主力武器，亦都係佢打近戰的原因，距離中，係擴散型武器，用哂６發先會回彈，而回彈只需4秒，開左技更加只需2.4秒，單體攻擊力唔高，大概只有普通光鎗的3分之1的威力，但係當全部集中攻擊同一目標，就有變態的傷害，姐係要近距離對目標使用２武，刷槍，如果係正面打拳已經可以打左對方3分之2的血量，如果背面更加可怕，可以秒殺一架s拳，所以係一樣非常可怕的武器！
３武 
V2B的副武器，攻擊力低，距離遠，回彈大概6.5秒，開左技只需3.7秒，攻擊前有少硬直，基本上唔會常用，多數係嚇下拳機之前，但係因為回彈快的關係，所以用尼煩人，不停倒地係幾好的，不過就唔好太倚賴３武了。
爆甲後： １武 
V2B爆甲後的武器，係唯一的近距離，斬3刀，攻擊力唔高，但係出刀同收刀都好順，有拳機水準，但係刀短，而且爆甲後防低，所以唔建議常用。
２武 
V2B爆甲後的主要武器，距離遠，攻擊力高，威力同爆甲前３武一樣，但係唔倒地，攻擊時有少硬直，用哂３發先回彈，開技前回彈大概6秒，開技後大概只需3.6秒，由於距離遠，又唔倒地，所以可以打後場亦有唔錯的輸出，但係最好梗係唔好亂爆甲，因為爆左就番唔到轉頭架啦～
技能： 
１技就係填裝上升，２技係勝利之V
先講１技，回彈時間減少40%，係對於V2B尼講係非常重要，如果細心留意，佢全部武裝的回彈都是一次過回，如果冇左此技，填裝時間就會慢好多，對於爆甲前需要高火力的V2B呢講輸出就會慢好多，所以係非常重要。
２技就係專有技，55%血量下發動，移動速度提升10%，速度加2.4，加索敵距離同埋加3攻同4.5防。 呢個係我見過最強的專有技，55%就能發動咁多能力，升講加移速同速度，令到佢概行得順好多，機動低的弱點抵銷左，令到玩家更易控制，對於刷槍有好大的幫助。而加攻加防更加增加佢概威脅，開左技能後可以把V2B的能力完全發揮出來！
使用此機時要注意的地方：
用呢架機最難概地方就係要控氣，同埋識刷槍，先講控氣，因為佢係包機，氣量少，而且又要沖前，所以如果唔將氣控制得好就好難殺敵。而唔識刷槍就會令佢概威脅就會大大減少，因為佢最主要的輸出就係沖前近距離用1,2武，不過如果唔識刷槍的話，或者打大場例如水中基地等亦都可以儲夠1格sp然後爆甲用２武打後場，因為爆甲後的２武攻擊力同爆甲前３武差不大，但係唔倒地，回彈又快，所以可以打後場，但係千祈唔好爆甲前龜後，好多新手爆甲前都係經常龜後，冇錯適當時龜後係用此機的策略之一，但係不停係咁用３武將對手倒地，要注意３武攻擊力唔算高，而主要的輸出係中近距離，而且不停亂倒地更加會令前場的隊友手忙腳亂，令到拳機的連擊中止，所以盡量唔好成場龜後。而另一個要注意的地方就係V2B機動低，boost少，單人匹馬死衝去敵人果邊好易會死於剪機的鎗下，所以我建議的打法就係先起後場射一炮，嚇下對方，之後跟番拳機，當有人接近時就用你強勁的中近距離連續射擊，爆菊，這樣就有不錯的輸出力。而打拳機時除非佢個背面向你就可以直接沖過去爆，如果係正面我都唔建議直接沖過去，我個人習慣就先用１武炸對方引對方沖過尼，而引對方尼概主要目的就係V2B氣量唔多，而引對方就可以哂對方的boost，之後到佢就尼果陣就用２武直接轟炸，如果２武中哂的話低血防的B,C拳都可以見龜霸，如果係A,S可以再掛一下用１武，到時都應該會重傷什至死。而見到剪機我建議就唔好理佢，直接走，由其係有高出力同抽氣的剪機，如果同佢地打一定會非死即傷。而打包機可以慢慢咁起建築物保護下沖過去，起神不知鬼不覺間將對方殺害。
OC配點：
我個人OC就點全攻，因為我刷槍能力唔算強，所以希望能夠可以盡量有幾多扣得幾多。OC配點冇正確及錯誤此僅供參考。 
合成材料： 
基本上唔難合，最難應該就係v dash特裝１吧，合v dash就一定要v啦，而合v又要用高達，所以基本上只要有一架高達慢慢合上去就合到了，而果2架c機就唔難有，所以對比起依家果d新s尼講已經算易合好多啦～
後記：
由於佢需要好大量的技術成份，所以新手我就唔建議使用，最好當你學識控boost刷槍同埋走位先，如果唔係只會成為炮灰～
相關圖片： 
影片:
講明條影片唔係我的 我唔識整片=( | 
[複製鏈接]
發表於 19-8-2011 18:47:05
收藏
轉播
分享
淘帖
支持
反對
變色卡
樓主