本帖最後由 pk1pk1kp1 於 4-9-2011 17:14 編輯
以下為本人對沙波既感想...
圖片,原作資料,係數轉自戰記
-----------------------------------
前言:
話說由韓服出果陣,睇到沙魚ball既作戰影片,我就一直都想係港服入手一部沙魚ball
不過未出優惠包之前,沙波正係得2個途徑入手,1個就係2010年動漫買包包抽,另一個就係充值獎
由於資金問題,我本來已經對沙魚ball冇晒希望
直到最近出左沙魚ball優惠包,而且只係5880m,我既希望番晒黎,捻都冇捻就買左
不過買左之後,發現原來沙魚ball係冇想像中咁勁,原因睇埋落去就知
仲有今日係暑假最後1日,所以想藉呢1日發表一下我既感想,所以打左呢篇野
------------------------------------
(<--奸笑!??)
原作資料(轉自戰記):聯邦軍的宇宙用戰鬥炮。將量產型鐵球改修,從而把構造進一步單純化。武裝是將鋼坦克的主砲改修而成的120mm低反動加農1門。與MS相比機能力和裝甲上相當不足,但是可生產性極高而且駕駛員的養成也容易。直到MS開發為止作為臨時兵器大量生產,擔當了吉姆的支援。模仿救世主的戰鬥的鯊魚嘴塗裝在投入實戰初期獲得了很多駕駛員的好評。
------------------------------------
六維:
六維係C剪入面算比較高
------------------------------------
武器介紹:
1武.格鬥爪 係數800*1
2武.120mm低反動加農炮 係數1000*1
3武.120mm低反動加農炮 係數1875*1
先講講1武,呢1隻格鬥爪,手感其實同K-ball差唔多,只係沙波係4下同低攻D
基於沙波boost量少,而且係1部剪機,唔太適宜同人鬥近攻,多數都係用黎防身
到2武啦,沙波主要輸出都係靠佢,射速比K-ball快
不過威力方面...好低好低...正係中1下,打包機既傷害先比較可觀少少,打拳機根本就唔痛(<--呢個覺得沙ball冇想像中咁勁既原因)
好彩爆風都好大下,命中都ok易,連射速度都算快,彈藥都多,不停咁射而且中晒的話始終都有一定威脅性
(P.S. 2武係中距離判定,唔似K-ball係遠距離判定,所以打防包係唔會減傷)
講3武啦,係數有1875,威力比較可觀,同2武一樣爆風大,加上有倒地效果,無論對付企圖格你既拳機,定係幫隊友解圍都係一流
(P.S. 3武係遠距離判定,打防包機係唔痛嫁,玩沙波既朋友一定要記住呢樣野)
----------------------------------
技能:
技1:V疫苗
全部特殊狀態免疫
技2:裝彈速度上升
使用武器的恢復時間(CD)裝填速度+40%
2個技能都非常實用
有左技1就唔使再怕抽氣抽彈等效果,重點係V苗係放係技1,十分容易開技
沙波本身回彈快,加埋技2,2武接近無限彈,3武變得更變態
---------------------------------------
缺點分析:
缺點:
1. 2武攻擊力真係好低,除左本身既爆風同連射速度補救之外,最重要既都係機師本身既命中率,各位實彈白痴(收藏者除外),你係入手呢部機之前真係要想清楚,冇番咁上下實彈技巧係玩唔好呢部機,1係就唔好要,1係就練好實彈再黎玩沙波,否則呢部機只會浪費機位...
2. 除左威力之外,佢仲有另1個大部分C機共同既缺點,就係非常脆弱,沙波一比拳機捉到,唔係被秒,就係大出血,所以玩沙波一定要識得對付拳機同提防比拳機偷襲
3.沙波仲有個好大既缺點...就係佢2,3武都係實彈...BC機埸金天,藍迷2R等PS甲算係比較熱門既機,2個埸都會見到有1隻。沙波攻擊力偏低,對住PS甲...悲劇也
所以對住PS甲盡量唔好搞佢...除非你有大技...
----------------------------------------
用後感想/用法:
用法方面,每個人都有唔同既打法,所以唔詳細講啦,介紹一下本人用法就夠了
本人主要都係攫敵同輔助,睇住雷達,盡量唔好分散得太遠
見到有人就用2武射,隊友比人打就用3武倒佢地,幫隊友解圍
有人想埋你身果陣最好用2武射幾下,等你黎到離你5個身位左右就用3武倒佢地,之後繼續走佬,去到隊友身邊
如果你發現佢果陣已經差唔多打到你既話就直接用3武倒佢地啦
係空中射果陣要善用MA既急降能力(V制),射幾下就落番地下咁樣,減少成為箭靶既機會
仲有1樣要注意,就係boost方面,剪機boost方面都係1個好大既問題黎,所以要注意boost既控制
其實沙波算係一部幾好既機,武器同技能配搭都唔錯,手描/實彈高手非常建議入手1部
----------------------------------------
建議配點/插卡:
4必全攻
問:點解要加4必既?全部加攻/全必唔係仲好咩?
答:如果冇v苗技的話,我都會選擇全攻,不過沙波有v苗,唔雖要額外插多張卡,呢個情況好多人都會插必卡,4必就係用黎提升必殺既威力
加攻係因為沙波本身低攻,加攻可以改善下個問題
當然加全必/全攻都冇問題,呢D只係個人意見
唔玩T骨既朋友建議唔好加全必...平時打起上黎會顯得好冇力-3-
------------------------------------------
現時港服獲得方法:
1.暫時商城有優惠包,5880m,強4的
2.2010年動漫節買包包抽,強3的
3.某次消費獎,用夠12800m幣就有,強4的
4.另1次充值獎,可以自選獎品,其中有強3沙波
------------------------------------------
作戰影片:
由於本人換左電腦之後玩SD既lag機程度係以倍數咁上升,拍片時lag機問題極為嚴重,所以係網上搵左條沙波片(希望片主唔介意@@當然唔想條片係到我可以唔放上黎)
------------------------------------------
寫得唔係幾好...請見諒 |