聖騎配點參考及討論

monsterbb100

物魔雙修型攻擊坦騎配點

呢類坦比較特別，可以攻擊又可以坦，但就放棄左一D屬防技同激怒點到5用紋章搭夠~~ 其實呢類坦反而比較受歡迎~~



牧師技能︰

盾擋︰滿，打海龍時岩漿怪既火鑽你唔點高真係分分鐘破盾~~ 12行血時放龍息都好易破盾~~

輕盈迴避︰點1，為左搶高攻擊招，所以放棄左點高輕盈

治療︰滿，都係果句，坦永遠係被孤立既一個，所以自補好重要~~

不屈/自然精通︰滿，因為你雙修，所以物防同血量會唔夠全坦高，點滿呢兩個可以加高你物防同血量~~

雙踢︰前置，當然你會用到，因為雖然你係雙修，但都主物多，雙踢配雙踢紋仲係坦騎既主力輸出~~

智力精通/智力訓練︰智力精通，點4，智力訓練，滿，因為你係雙修，所以MP對你黎講都好重要，尤其係MP回恢

滑行︰滿，唔洗多講，龍之谷冇人唔點滿呢個技~~

不點技原因︰

下劈/神聖連擊︰前期未到賢者好用技，後期我相信都冇乜人會用呢個技~~

起身猛擊︰因為主力打海龍，起唔起身猛擊都冇所謂~~ 若果想點，響盾擋扣~~

膝破︰只力係打巢穴同海龍做坦，呢招唔會點用到，為左搶高其他技能，放棄膝破~~


賢者技能︰

神聖十字架︰點7，所有點配好後先黎搶高呢招，雖然呢招比起十字軍既十字架EX較為遜色，但推擊擊用呢招，爆出黎既數字都幾理想~~

雷霆一擊︰滿，攻擊型賢者必滿招式，因為物魔雙攻，所以對雙攻型好有效~~

激怒︰點5，配A紋岩岩好可以拉穩隻Boss~~

破甲︰滿︰CD快，攻擊高，仲減目標物防，雙修既你減左目標物防會有好好既效果~~

自動格擋︰前置，點高唔會多好多機率，夠出聖騎技就算~~

神聖格擋︰滿，之前比人爭議過呢招，其實點滿對有魔攻既你，唔止當盾用，仲可以一路擋一路攻擊，唔錯~~ 配合盾擋同鋼鐵互替~~

鋼鐵之身︰滿，基本上用左呢招，你比打扣既血會少好多~~

神聖化身︰必點，賢者神技~~ 比起雷神之錘，有用好多~~

不點技能原因︰

神聖天擊/神聖復仇︰因為要搶高其他攻擊技同防禦技，所以放棄盾反~~ 唔玩PVP冇所謂，玩PVP會有D缺失~~

元素/信念光環︰又係因為要搶高攻擊技，所以放棄雙環，靠十字軍既光環同聖徒既Buff搭夠~~ (若果隊中冇呢兩個職，都唔會少好多攻擊~~)


聖騎技能︰

必學三招，唔多講~~


技能紋章︰

呢類聖騎既技紋有好多種配搭，但點都好，一定要有激怒A紋，用黎補救激怒唔滿既缺陷，有以下幾種配搭

側踢、強力側踢、雷霆一擊、破甲、神聖化身、神聖十字架、治療 ------>激怒

睇你想邊方面輸出，雙踢紋係主物攻；雷霆一擊/破甲，推高攻擊；神聖十字架，主魔副物；治療，怕死就用；神聖化身，無敵加長以推高攻擊；前面技紋你想邊一方面就配邊種，但一定一定要留一個位放激怒A紋黎補救激怒點得5


裝備方面︰

主推爆擊，後推血或攻擊~~

神人打手

係呀吹咩OO卡
我又唔係打海龍,亂入
o19042 發表於 27-10-2011 20:27

@@"。  就系吹妳